Kultpress.com » Orxan Zaman

Chat evimizi yıxacaq…

admin — Thu, 11 Feb 2010 16:46:22 +0000

Azərbaycan-Odlar yurdu. Sən bir sözdəki mənaya bax. Əcəb işdi VALLAH.
Son illərdə Azərbaycanda boşanma halları narahatlıq doğuracaq dərəcədə çoxalıb. Bunu Sovetlər dönəmində baş vermiş boşanma halları ilə müqayisə etsək onda görərik ki,səbəblər tamam başqadır. Hal-hazırki boşanma hallarının bəzi səbəbləri də internet saytlarında olan chat boşboğazlığıdır. Nəyin ki, boşanma halları, cinayət işlərinin də bəzi səbəbləri chatdakı təhqiramiz ifadələrdir.
Nə isə… Sözüm onda deyil. Sözüm ondadır ki, chat çıxardanın ALLAH evini başına yıxsın. Axı, niyə yıxsın? Chatı yaradan,axı,hardan biləydi ki, bizimkilər onu vəhşi kimi mənimsəyəcək? Məncə, indi söhbət açacağım problem təkcə bizdə deyil. Başqa ölkələrdə də var. Chat-sözünün mənası məncə söhbət deməkdir. Özü də boş-boşuna söhbət. Sonra da deyirlər ki, indiki gənclər niyə kitab oxumurlar? Ay, qardaş caht olan yerdə kitab nəyə lazımdı? Bəs oğlanlar kimnən və ya hansı başıboş qıznan günlərini keçirsinlər? Sizdə ki, kefdən danışırsız VALLAH. Kitab oxumaqdansa gedib qıznan tanış olarlar da. Yada ki, qızlar evi yığışdırmaqdansa gedib hansısa bir təlxəyin biriynən görüşüb hələ üstəlik kef də çəkərlər. Ay, dünya, biz hara yuvarlanırıq? Təkcə söhbət eləsər dərd yarıdı. VALLAH dilim də gəlmir deməyə amma dilimə hakim ola bilməyəcəm. Hansısa gədənin biri (doğru sözümdü) gedib çatdakı qızı sevib evlənəndə belə yaşamağın içinə tüpürməyəsən neyləsən? Ay, qeyrətli qaqaş, sənin xanımın təkcə səninlə yox, sənin kimi neçə dənə boşboğazlarla kefini də çəkib, hələ üstəlik…Danışdıqca qurtarmır ki, qurtarmır. Nə isə… Nə qədər ki,chat var olacaq bir o qədər də biz dünya mədəniyyətinin yeniliklərindən kənar qalacağıq. ALLAHın bizə yazığı gəlsin. ALLAH sənə rəhmət eləsin Lenin. Sən yaxşı demisən: “Oxumaq,oxumaq, yenə də oxumaq.” Onu unutmayın ki, biz TÜRKÜK və bizim türk qeyrətimiz var. Gəlin,özümüzə qayıdaq.

(c) Orxan Zaman

Orxan Zaman – Şeirlər

admin — Sat, 30 Jan 2010 09:20:04 +0000

Misal həlli

Riyaziyyat müəllimlərinə

Sevgi +sevgi,
Mən + sən boyda
Kədər,
Kədər + Yeni il sevinci…
= həsrət
Həsrət- həsrət
= day bundan o tərəfəsi yoxdur…

Səni istəyirəm…

Hər dəfə…
Xəyal olub
Gözlərimin önündə dayananda
Səni istəyirəm…
Hər dəfə…
Əlçatmaz yuxulardan oyananda
Qaranlıqdan qorxan körpələr kimi
Ağlayıram…
Onlar analarını istəyir,
Mənsə, səni…

***
Qayıdıb gəlmisən…
Baxdım, üzündə acı təbəssüm donub qalmışdı
Nooldu, nə tez fikrin dəyişdi?
Dünən ayrılanda sevinən sən deyildin?
Mənə lazım deyil, yalandan ağlamağın…
Götür yerdəki göz yaşlarını,
Bir də mənə verdiyin ətirli qələmi…
O qapı, o da sən.
Çıx get.
Qapını yavaş çırp
Ürəyimi çartladarsan…

Ayrılığın sağlığına…

Götür içək,
Ayrılığın sağlığına…
Mən bir siqaret yandırım,
sonra içimdəki nifrəti
duman-duman buraxım sənə sarı.
Sonra mənə nağıl danış,
başımı qoyum dizinin üstə…
Nə göydən,nə yerdən…
Sevgidən,
yalnız sevgidən danış nağıl…
Və sonra denən ki,
“Yuxun şirin olsun”

07.01.2010

(c) Orxan Zaman

Dostum Dafiyə öyüdlər

admin — Sat, 16 Jan 2010 18:51:49 +0000

Sevgi ağılnan deyil, Dafi
Bir gün sevəsən, bir gün atasan.
Sevgi yazı deyil, ay Dafi
Bir gün yazasan, bir gün pozasan.

Sevgi bir nağıl deyil,
Eşidirsən, Dafi?
Oxuyub qurtarasan,
Sevgi bir dəniz deyil,
Dərinində batasan
Bir gün sevəndə məni başa düşərsən
Sevgisi dönər olan Dafi.

(c) Orxan Zaman

Orxan Zamana

admin — Mon, 04 Jan 2010 11:34:07 +0000

Sevdiyim qızların adları yadımda qalmır
evimizin pəncərəsindən haralarsa uzanan asfalt yollar görünür
bir qız gəzir o yollarda, sonra qız iki olur,
sonra üç, sonra dörd…
tək sən yoxsan onların arasında
o qızlarda sənin gözəlliyin var,
yaşıl gözlərin, dalğalı saçların,
və bir də nazlı yerişin
de görüm, hansını seçim o qızlardan
qabaqdakı necədi? məncə pis deyil,
qıyıq gözləri gülümsünür,
dalğalı saçları sinəsinə tökülüb
eynən sənin kimi
elə bilirsən sevərəm o qızı?
düşünmə bunları,
bilirəm, sən demişdin unut məni
neyləyim unutmağı hələ öyrənməmişəm
adını unutdum, saçların heç düşmür yadıma
amma bu gözlər var ki, bu gözlər
hec cür silinmir ağlımdan
neyləyim, bir yol göstər,
unutmağı öyrət, necə ki, həsrəti öyrətdin mənə
yollara düşən həsrət, kədər
heyif, bu qızların heç birində yoxdu bunlar
ən yaxşısı, elə sənsən
kədərlər, həsrətlər, sevgilər gözlərindədi
bağışla, unuda bilmirəm səni
bağışla, küçələrin kədərli görünüşü,
həsrətə bənzəyən asfalt yol,
hamısı səni xatırladır, yolda gəzən qızları yox.

(c) Ayxan Kiçikbəy